ПОДГОТОВКА ЗА УЧИЛИШТЕ ПРЕКУ ПРЕДУЧИЛИШНА ПРОГРАМА БАЗИРАНА НА АБА 

Во април 2025 година, Скопје беше домаќин на дводневна обука за наставници во рамките на ЕУ финансираниот проект Erasmus+ Ready4School. Работилницата ги обедини воспитувачите и професионалците од предучилишните установи за да ги унапредат своите вештини во поддршката на децата со нарушување од аутистичен спектар (АСН) во нивната транзиција од градинка во основно училиште.

Преодот од предучилишно во основно образование може да биде особено предизвикувачки за децата со НСА поради промените во секојдневната рутина, непознатата средина и новите социјални и академски очекувања. Проектот Ready4School ги адресира овие предизвици преку нудење на практични стратегии и алатка за проценка заснована на докази, која им помага на наставниците да ги измерaт училиштните подготвености и да ги идентификуваат областите каде е потребна дополнителна поддршка.

Оваа обука понуди комбинација од теоретски знаења и практична примена, опфаќајќи теми како што се:
● Принципи на аплицирана бихејвиорална анализа (АБА) и разбирање на аутизмот
● Користење на алатката за проценка Ready4School и мобилната апликација
● Собирање и анализа на податоци за водење на наставата
● Вежбање интервенциски стратегии во училнишни сценарија
● Адаптирање на наставни материјали за да одговараат на различните образовни потреби

Учесниците се вклучија во интерактивни вежби и колаборативни активности за практично применување на стратегиите. Сесиите ја нагласија важноста на донесување одлуки засновани на податоци и инклузивни пристапи во наставата.

Наставниците изјавија дека стекнале вредни знаења и практични вештини кои можат веднаш да ги применат во своите училници. Многумина изразија интерес да ги споделат ресурсите и апликацијата со своите колеги, поддржувајќи го моделот на проектот „обука на обучувачи“.

Сите учесници добија сертификати за учество, со кои се признава нивната посветеност на инклузивното образование и промовирањето на училиштната подготвеност кај децата со АСН.